Ne nuk flemë shumë dhe jemi zënë shumë. Me mbështetjen e këshilltares së nënave dhe baballarëve, tani mund ta përballojmë më mirë stresin si familje.
Diana dhe Pedro R. me foshnjë, 10 muaj
Qarja me të madhe
Fëmija juaj duhet të mësojë së pari të zhvillojë një ritëm gjumi-zgjimi. Edhe tretja duhet të stabilizohet së pari. Shumë foshnja kanë nevojë për mbështetje të veçantë gjatë kësaj periudhe fillestare. Disa foshnja qajnë me të madhe dhe vështirë se mund të qetësohen. Kjo mund të jetë shumë stresuese për prindërit. Në një situatë të tillë, ne do t’ju këshillojmë dhe do të punojmë me ju për të gjetur zgjidhje.
E rëndësishme: Mos e shkundni foshnjën tuaj. Shkundja është e rrezikshme.
Ngushëllimi
Foshnja juaj që qan thjesht sinjalizon se nuk ndihet mirë; se nuk dëshiron t’ju mërzisë qëllimisht si prind. Kontakti fizik, tingujt e një zëri të njohur ose rrahjet ritmike të zemrës shpesh ngushëllojnë. Edhe ndriçimi i zbehur ose një mjedis i qetë mund të ndihmojnë në qetësimin e foshnjës suaj.
E rëndësishme: Mos e shkundni fëmijën tuaj. Shkundja është e rrezikshme.
Gjumi
Në javët e para, fazat e zgjimit dhe të gjumit të fëmijës suaj shpërndahen në mënyrë të parregullt gjatë 24 orëve. Me kalimin e kohës, fëmija juaj qëndron zgjuar më shumë gjatë ditës dhe fle më pak në mes. Dhe fle më gjatë natën dhe qëndron zgjuar më pak kohë në mes. Organizoni aktivisht periudhat e zgjimit gjatë gjithë ditës me lojëra, biseda, larje etj. për të mbështetur një ritëm ditë-natë.
Rraskapitja
Kur foshnja nuk pushon së qari, mund të jetë shumë e vështirë për prindërit. Qoftë edhe dhjetë minuta ngushëllimi pa sukses mund të jetë shumë e bezdisshme për prindërit. A ju rraspkapit apo ju zemëron qarja e vazhdueshme me të madhe? A po arrini në kufijtë e durimit tuaj? Atëherë, kërkoni mbështetje nga familja juaj ose nga profesionistët.
E rëndësishme: Mos e shkundni fëmijën tuaj. Shkundja është e rrezikshme.
Shkundja është e rrezikshme
Kur një fëmijë shkundet, koka lëkundet para-mbrapa. Si rezultat, koka dhe truri mund të lëndohen. Kjo mund të çojë në paaftësi të rënda apo edhe vdekje. Edhe lëvizjet e papritura pa mbajtur kokën ose duke hedhur fëmijën si një lojë janë të rrezikshme. A jeni të dëshpëruar dhe të frustruar sepse fëmija juaj qan gjithmonë? Vendoseni fëmijën tuaj diku të sigurt, sikurse në një krevat fëmijësh ose në dysheme, dilni nga dhoma dhe merrni ndihmë.
A keni ndonjë pyetje në lidhje me të qarën e madhe? Ne ju këshillojmë me kënaqësi në gjuhën tuaj!
